xakelaphoto: septiembre 2013

Nire egoera

Txikitatik gustatu izan zait marraztea. Hasiera batean marrazkiak arkatzarekin egiten nituen, geroago margo koloretsuak egin nituen eta nire ibilaldi artistikoa, argazkiek harrapatuta gelditu da, oraingoz behintzat. Nire lehenengo argazkiak zuri- beltzean izan ziren, diapositibak ere landu nituen eta nola ez, kolorezko argazkiak. Azkenean argazki digitala deitzen den hontan murgilduta nabil. 40 urte argazkiak egiten pasa ondoren, zaletasun honekin, beste urte batzuk pasatzeko itxaropenarekin jarraitzen dut.

2013/09/25

Júzcar (Málaga)

Júzcar (Málaga) ezaguna da munduan “ Lehenengo Herri Pitufoa “delako. Rondako mendilerroan kokatua dagoen herri txiki hau, 250 bizilagun bakarrik ditu, aukeratu zuten “Pitufoak 3Den” filmearen estrenaldirako. Egun batetik bestera, normalean zuriz margotuta egon ohi zen herria, kolore urdinez margotu zuten, bizilagunek erabakita batzar batean. Harrezkero udaletxea, plaza, eliza, hilerria eta beste etxe guztiak “Pitufoen” kolorearekin margotuta aurkituko ditugu.

2013/09/23

Frigiliana (Málaga)

Málagako probintzian, Axarquía izeneko eskualdean kokatuta dago Frigiliana herria. Bere hirigune

historikoak jatorri moriskoa du eta sari ugari jaso ditu kale hoietako edertasuna goraipatzeko, esate baterako Espaniako Herrien Dotoretasunerako Sari Nazionala 1982 urtean. Kaleak ondo apainduta daude, etxe guztiak zuriz margotuta eta loreak dira kale hauetako elemento nagusienak. Izugarri atsegina da kale hauetan paseatzea.