Ituren eta Zubietak elkarrekin ospatzen dituzte inauteriak. Urtarrilako azkeneko asteko astelehen eta asteartean, eguerdi aldean, bi herriko joaldunak beraien desfilean hasten dira, astelehenean Iturenen, eta asteartean Zubietan.
Joaldunak bi lerrotan desfilatzen dute, mugimendu ritmiko eta pausatuekin, zintzarrien doinu bateratua lortuz. Naturari estu lotutako errito baten itxura hartzen du desfileak.
Lehenengo lerroan dagoen joaldunetako batek, adar bat jotzen du noizbehinka eta ohiu batzuk egin, horrela desfileari erritmoa jarriz.
Uste da, zintzarriekin lortzen den soinuarekin espiritu txarrak uxatzen direla eta inguruko lurretan lo dauden energiak iratzarri.
Pertsonai hauen jantziak bereziak dira: abarkak oinetan, ardi larrua bizkarrean, koloretako painuluak lepoan, zintaz betetako txapel koniko bat, zaldi ilez egindako isopo bat eskuan, eta bi zintzarri erraldoi gerrian lotuak.
Argazki hauek Iturenen ateratakoak dira.
