Kortxeleko mamuak

Ondarroa, Gipuzkoako probintziaren mugan dagoen Bizkaiko herri bat da. 8.617 biztanle zituen 2016. urtean. Arrantzaren inguruan eraiki dute herriko ekonomia, batez ere azken mendeetan. Bertako monumento nabarmenena Andra Mari eliza da. Artibaiko itsasadarraren ondoan dagoen muino baten gainean dago eraikita eta nagusi ageri da herriaren alde zaharrean. 1462an eraiki zuten, gotiko estiloan. XVIII eta XIX mendeetan eraberritu egin zuten. Tenpluak trazeria flamingeoko leihoak ditu. Eta horiekin batera pinakuluak eta arrosetoia nabarmentzen dira kanpoaldetik. Ibaiaren ertzetik gora begiratuta, arkupe handia du elizak, antzina itsasontziak babesteko erabiltzen zutena. Elizaren gainean, elementurik bitxienak ditu, "Kortxeleko mamuak" bezala ezagunak direnak. Borgoinar estiloko eskulturak dira, Erdi Aroko gorte bat irudikatzen dutenak. Irudiak oso ederrak dira: ezkerretik eskuinera erregea, xirularia, folk biolin bat jotzen duen musikaria, gizonezko bat eta emakume erromes bat, bi baleztari, inude bat, erregina, monje bat, ezkutari gazte bat eta zaldun bat ordezkatzen dituzte. Irudi hauetako bat "Leokadi" izenez esagutzen da eta kondairak dioenez, herriko alde zaharrean bizi zen eta zigor gisa harri bihurtu zuten. Ordutik elizaren gainean dago, eta herriko jaietan hortik jaisten da.

Udazkena Loiolan

Oraindik ere ikusten dira udazken koloreak Loiola inguruan. Todavia se aprecian los colores del otoño en los alrededores de Loiola.

Elurra

Aurtengo denboraldiko lehen elurtea Azkoitian. La primera nevada de la temporada en Azkoitia.

Errezil

Behelainoa, Errezil ingurua ahalik eta ederragoa egiten.

Danbolintxulo

Danbolintxulo izenez ezagutzen den tokia Etxarri-Aranaz herrian dago. 5 kmko ibilbide baten ehunka zuhaitz ikusgarriak topatuko ditugu. Zuhaitz hauetako gehienak haritzak dira eta batzuk ehun urte beteak dituzte eta 16 mko garaiera iristen dira. Ibilbidean zehar, bertako landaredia bereizten lagunduko diguten kartelak daude.

Altzoko Handia

Altzo, Gipuzkoako ekialdean eta Tolosaldeako eskualdean kokaturik dagoen, 400 biztanle inguru dituen herri txiki bat da. Bere ospea, batez ere, gizon bati zor dio. Gizon honen izena Migel Joakin Eleizegi Ateaga zen, baina Altzoko Handia edo Altzoko Erraldoia ezizenarekin ezagunagoa zen. Altzon jaio zen, Ipintza Zar (gaur egun Ipintza Handi) baserrian, 1818ko uztailaren 10an eta 1861eko azaroaren 20an bertan hil. Oso gizaseme berezia zen, 2,27 metroko altuera zuen eta 203kiloko pisua, akromegalia deritzon gaixotasunaren ondorioz. Ospe handia izan zuen eta Europan zehar (Espania, Portugal, Frantzia, Inglaterra…) erakustaldietan erabili zuten eta garai hartako europar monarkak ere ezagutu zuten. Bere bizitzako gertakarietan inspiratuta 2017an “Handia” filma estreinatu zen.