Arriaran bi eraikin apaigarri dituen Beasaingo auzo bat da. Bata Done Petri eliza (San Pedro) eta bestea Arriaran urtegia.
Done Petri eliza XVI. mendekoa da. Elizara
sartzeko dagoen portada, izugarria da. Portada izugarri hau gotiko flamigero
estiloari dagokio, XV. eta XVI. mendearen bigarren erdialdian garatutako
estiloa alegia.
Urtegia Arriaran errekaren urak biltzeko eraiki zuten 1993.urtean eta bere
hormak Nestor Basterretxea
eskulturgilearen artelanarekin apaindu zituzten.
Sandaili baseliza edo San Elias baseliza Orkatzategi mendiko haitzulo batean dago, Araotz auzoan. Gipuzkoako Oñati udalerrian dagoen baseliza bat da. Ermitaren eraikuntza bitxia bezain xumea da, eta tradizio handiko lekua da. Sandailira erromes joaten ziren haurra izan nahi zuten emakumeak, dirudienez, haitzulo honetako urak, aska batean jasotzen dena, emankortasuna emateko gaitasuna baitzuen.
Dorrea Vista Alegre lursailaren zati bat zen, eta han kokatzen zen, baita ere, Villapadiernako kondeen jauregia (1913). Gaur egun, parke eder baten zati bat da. Estilo neoklasikoko eraikina da, zirkuluerdiko forma du eta 10 zutabe. Bigarren pisutik, Zarautz ikuspegi orokorraz gozatu daiteke. Gipuzkoan hormigoi armatuarekin egindako lehenengo eraikina izan zen.
Gipuzkoako klaustro gotiko lehenbizikoa da. 1500.urte aldera hasi ziren eraikitzen. Garai batean hilerri bezala erabili zuten.
