Nire egoera


Txikitatik gustatu izan zait marraztea. Hasiera batean marrazkiak arkatzarekin egiten nituen, geroago margo koloretsuak egin nituen eta nire ibilaldi artistikoa, argazkiek harrapatuta gelditu da, oraingoz behintzat. Nire lehenengo argazkiak zuri- beltzean izan ziren, diapositibak ere landu nituen eta nola ez, kolorezko argazkiak. Azkenean argazki digitala deitzen den hontan murgilduta nabil. 40 urte argazkiak egiten pasa ondoren, zaletasun honekin, beste urte batzuk pasatzeko itxaropenarekin jarraitzen dut.







2014/08/08

Zerkausia (El Tinglado)

Tolosako erdigune historikoan dago Zerkausia merkatua (gaztelaniaz El Tinglado). Juan Alejandro Mugikaren egitasmoa izan zen eta 1899 eta 1900 urteen artean eraiki zuten. 1927an handiagotu zuten.Tolosako azoka, Euskadiko ezagunenetakoa, larunbatero egiten da antzinatik.

Hiru alde zabalik dituen eraikin luzea da. Oria ibaiaren aurrez aurre dago eta arku erdizirkularrak ditu. Ibaiaren gainean dauden piloteek itxura berezia ematen diote merkatuari. Metalezko egitura eta hiru lerrotan bereizitako zutabe fin eta dotoreak ditu. Zutabe horien artean, metalezko eserleku luzeak daude. Mutur bakoitzean, eraikuntza sendotzen duten antzinako bi dorre daude.
2006an goitik behera zaharberritu zuten.      





No hay comentarios:

Publicar un comentario

Suscribirse a: Enviar comentarios (Atom)