Nire egoera


Txikitatik gustatu izan zait marraztea. Hasiera batean marrazkiak arkatzarekin egiten nituen, geroago margo koloretsuak egin nituen eta nire ibilaldi artistikoa, argazkiek harrapatuta gelditu da, oraingoz behintzat. Nire lehenengo argazkiak zuri- beltzean izan ziren, diapositibak ere landu nituen eta nola ez, kolorezko argazkiak. Azkenean argazki digitala deitzen den hontan murgilduta nabil. 40 urte argazkiak egiten pasa ondoren, zaletasun honekin, beste urte batzuk pasatzeko itxaropenarekin jarraitzen dut.







2014/10/21

Albarracín

Albarracín (aragoieraz Albarrazín) Teruelgo hego-mendebaldeko udalerri bat da, Sierra de Albarracín eskualdeko herri nagusia. 1.054 biztanle zituen 2005ean. Hiriburutik 38 km mendebaldera dago.Espainiako monumentu nazional izendatu zuten1961ean Albarracíngo hirigunea. Errekonkistaren garaian, XII. eta XIII. mendeko gudek eragin zuten gaur egungo harresi-sistema ikusgarria eraikitzea. Nafar ugari joan zen hara garai hartan: Albarracingo jaurerriko lehenengo jauna nafarra zen, Azagra leinukoa. Fernandez de Heredia arabar leinuak ere botere handia izan zuen jaurerri hartan.


Albarracin itsas mailatik 1.171 metro gorago dago. Guadalaviar ibaiak (bere bidean beherago Turia izena hartuko du) udalerria zeharkatzen du; ibai horren meandro batean dago Albarracingo herrigune zaharra. Iparraldean, Albarracingo mendilerroa dauka, eta han sortzen dira hainbat ibai: Guadalaviar beraz gain, Tajo, Jucar, Gabriel eta Jiloca. Hegoaldean Mendi Unibertsalak ditu.

   







No hay comentarios:

Publicar un comentario

Suscribirse a: Enviar comentarios (Atom)