Flyscha udaberrian

 

Berriro ere flyschera hurbildu naiz udaberriak ematen dion edertasun berdea, udak kendu baino lehen, nire kameraz neureganatu nahian.

Oñatiko Korpuseko prozesioa

Oñatiko Korpuseko prozesioa ikusgarria izaten da. Alderdi erlijioso hutsez gain, hiru elementu ditu ospakizunak oinarritzat: lehenbizi Aldareko Jaunaren Kofradia, bertako partaideek kandelatzarrak eta kapa nabarrak jantzita, zutoihalaren atzean desfilatzen dutela; Jesukristo, Apostoluak eta San Migel pertsonifikatzen dituztenak, pelukak, maskarak eta bestelako jantziak daramatzatela (Udalerriko zaindaria den Arkanjelua, dotoretasun eta militar kutsu handiz); eta, bukatzeko, dantzariek, errespetuaren eta alaitasunaren irudiak, ematen diote bukaera prozesioari.


Tradizioa, erlijiotasuna eta dantzak bat eginik, meza ondorengo prozesio bereziak, herriko kaleak zeharkatzen ditu. Erlijio eta folklorezko errito ikusgarria dugu; XVI menden aipatzen da lehen. Oñatin, 500 urte baino gehiago duen ohitura hau ondo mantendu da.      

Arantzazuko Santutegia

Erligiotatea eta abanguardia elkartzen dituen eraikina da Arantzazuko Santutegia. Neurriz eta itxuraz benetan itzal handikoa eta artegintza modernokoa izatea nahi zuten; eta horretarako, ideia-lehiaketa antolatu zen 1951. urtean. Francisco Javier Saenz de Oiza eta Luis Laorgaren proiektua izan zen irabazle.


Haitzarte erdi-erdian, fatxadaren eta kanpaien dorreak zutik daude, kareharrizko milaka diamante-muturrez estalita. Fatxadan 14 apostoluz osatutako frisoa dago eta, bukaeran, Pietatea. Irudiak hotzak dira, hutsak, izotzak haitzetan sorrarazten dituen formen erara. Jorge Oteiza da hauen egilea.

Tenpluan sartzeko lau ateak Eduardo Chillidak egin zituen. Lucio Muñoz da erretaula nagusiaren egilea, 600 metro karratu baino gehiago ditu eta egur tailatuz eta polikromatuz dago landuta.

Argi-jokoa Javier Alvarez de Eulateren beirateez lortzen da hein batean, urdinak direla nagusi.

Kripta Nestor Basterretxeak apaindu zuen. 18 horma handi ditu, berebiziko espresio-ahalmena eta kolorearen erabilera erasokor samarra ezaugarri dituztenak.

Arantzazuko lanen izaera abangoardista ez da beti behar bezala ulertu, eta horregatik, lanak luzaroan geldiarazi eta, zenbaitetan, proiektuak berriz zehaztu behar izan ziren.