19.Korrika Bilbon

Martxoak 29an bukatu zen 19.Korrika Bilbo hirian 2501 Km egin eta Euskalherriko herri gehientsuenak

 zeharkatu eta gero. Milaka euskahaldun bildu ginen ongietorria eman eta agurtzeko.

“Emozioz jositako Korrika bizi izan dugu. Oso hunkituta gaude AEKren familia osatzen dugun guztiok. Korrikak piztu dituen emozioak eta sentimenduak egunero eta bitarteko desberdinen bidez zabaldu dira. Hamaika argazki, bideo, mezu, txio gorde ditugu adibide moduan. Beraz, esan dezakegu, euriak blaitu bagaitu ere, Korrika uholdea izan dela, jende uholde beroa euskararen garra hamaika egunez pizturik izan duena. Jende uholderik handiena izan dela diogu 2.500 kilometro horietan inoizko jendetzarik handiena ikusi dugulako”.

Asier Amondo 19.Korrikako arduraduna

Arginetako Nekropolia

Arginetako nekropoli hau Euskadiko hileta-monumentuen arteko garrantzitsuenetarikoa da, bertan beste leku batzuetan baino hilobi gehiago dagoelako eta baita sarkofagoen kronologiagatik ere (zaharrenak VII-IX mendeetan datatu dira eta berrienak Goi Erdi Aroan).
Elorrioko Zenita auzunean dagoen nekropoli honetako multzoa 21 piezak eta San Adrian baselizak osotzen dute, eta hauen artean, sarkofago bikoitza eta bost hilarri nabarmendu behar dira. Baseliza XVI. mendean berreraiki zen eta harrez geroztik hainbat bider berritu da.
Sarkofagoak inguruko auzunetako (Mendraka, Miñota, Berrio) nekropolietarako egin baziren ere, geroago Elorrioko parrokoa zen Retolaza jaunak gaur dauden lekuan batu zituen XIX. mendean, paraje gogoragarria eta erromantikoa sortuz.